OGC

O Gato Cósmico é un proxecto que xurdiu en abril de 2011 co formato de tenda-galería en Santiago de Compostela. Un espazo no que se organizaron diferentes exposicións temporais e onde se podían mercar as creacións de artistas galegos, nacionais e internacionais, facendo fincapé, sobre todo, na ilustración contemporánea, o deseño de produto, a arte urbana e o D.I.Y (do it yourself).

Pasados dous anos, en abril de 2013, deixamos atrás o formato de tenda-galería física para mudarnos ao mundo da xestión cultural con novos proxectos que van vendo a luz pouco a pouco e que teñen unha relación directa coa etapa anterior. Unha volta de folla dun proxecto que volve a refacerse sen esquecer nunca a razón de ser do mesmo: a busca da creación galega e dos novos artistas emerxentes que veñen con gana de dicir cousas, de amosar cousas, de ser cósmicos.


Abril 2011 – Abril 2013


Outubro 2011 – Xuño 2012